عاونوني الله يخليكم راني غانحماق‎

السلام عليكم البنات كنتمنى تكونو بافضل حال ؛ بغيت نعاود ليكم مشكل
عندي خويا عندو 32 عام منين شد الباك مشا للدار البيضاء كمل قرايتو و خدم تعرف على واحد خيتي و شدات فيه شدة العمى فالظلمة مشاو بابا و ماما و واحد خالتي يخطبوها ليه و تزوجوا فالعامين الاولى كانت تتعامل معانا مزيان و حتى حنا كنا كنتعاملوا معاها مزيان و معتابرينها وحدة منا و ربي شاهد … غير هيا حملات ولات وحدة اخرى ماكتسول ماكتجي قلنا يمكن غير الوحم فاش ولدات مشينا للدارالبيضاء و لقينا المرة ولات دايرة بحال شي غول لي هدر معاها فينا تتقمعوا و تستهزء بيه، تتدور دورة و تقول لينا هادي دآآاري،،هانتنا و عايراتنا و صلات بيها الوقاحة ولات تتسد البيت على بنتها باش منقربوش ليها ،هزات يديها على ماما و سباتها سبان خايب و منين قلناها لخويا متيقناش و جمعنا حوايجنا و مشينا لدار خالتي لي فنفس المدينة فاتت واحد المدة و جا خويا طلب من ماما تمشي معاه و مشات و تاني ناضت ليها بغات تضربها و قالت ليها ياك قلت ليكم حتى احد مايبقا يجي عندي و تاني ماما قالتها لخويا و ماتيقهاش و لات فاش كيجيبها عندنا ديما تاتعامل خايب و غير تاتمشي كينوضو المشاكيل فالدار كنبغيو نحماقو بحالا وقتما جات تتجيب معاها السحر و من غير هادشي ماما مرضات بالفقسة حينث ولدها مكدبنا و مصدق مرتوا انا خايفة على ماما لتوقع ليها شي حاجة عافاكم عاونوني و سمحو ليا حيت طولت عليكم

عافااااااااااااكم عاونوني نتبع قلبي ولا عقليي

انا عندي 19 سنة
سنة ثانية في الاعلاميات
هاد السنة جاوني خطاب من اسبانيا عمرو 29حالة ميسوورة بزااف و كل ما تتمنااه البنت
ولن انا كنت هدي عاماين ع واحد فايتني غير ب عام و تيبغيني بزااااف و ليبغييتهاا تيدييرهاا
و محترمني و محافظ عليا و من ي سمع الخطاب قالي انا باغيك و هانجي داركم ..
… ولكن هو ماخدامش و عاد دافع باش يمشي امارات و ماشي
مضمونة الخدمة …لكن انا حايرة واش نساينوو تايوقف
على رجليه ولا لاا و ماما قاتلي من احسن تاخدي لي كبير منك على اقل 10 سنين و اصلا هيا بغاتني نعيش مزيان
ماشي نبقا مع هد ماضامن والو
عافااااااااااااكم عاونوني نتبع قلبي ولا عقليي
و شكرا بزااااف

عندي مشكل هو أني رقيقة أوبغا نغلاض شوية

عندي مشكل هو أني رقيقة أوبغا نغلاض شوية

سلام أنا بنت عندي 20 سنة ولكن عندي واح المشكل هو أني رقيقة أوبغا نغلاض شوية..ولكن ماشي بزاف تاني المهم شي فصلة تكون زينة مباغاش تكون عندي الكرش ولا شي غلض كيعيف المهم شوية وصافي.. راه صدري بلا وكلشي كيعيرني بهاد القاضية وهاد المشكيل معقدني فحياتي الله استر عليكم نصحوني شي حاجة فعالة وسريعة الله يخليكم..

كنحتقر راسي بزف حيت مزويناش ف شكلي

سلام عليكم انا في عمري 20 عام… الحمد لله كلش مزيان لا في قرايتي لا معا العائلة …. مشكيلتي هيا اني متيقاش ف راس ا كنحتقر راسي بزف حيت مزويناش ف شكلي .كنبقى نقول حيت انا مزوناش مغادي يبغيني حتى واحد ا غنبقى وحدي وبصح انا درت عشرين عام ومَعمّر شِ واحد عَبرْني ولا بغَى يكمل حياتو معايا(معمر ش واحد لا خطبني ولا حتى حاول يهضر معايا على اساس الحلال ) معرفتش واش حيت مزويناش ولا حيت معقولا بزاف. الحمد لله دايرا الحجاب ومحتارم راسي … فشكلي ضعيف بزاف ومزوناش عيين ماندير باش نغلاضرو والو مكنديرش المكياج بزاف غِ قليل مرى مرى وجهي كيخياب غَ وحدو و بعد المرات مِنِ كنشوف ف المرايا كنكرك راسي والله.. مِنِ كنهدر مع صحابتي على زين وكنقول رانا مزوناش كيقولو ليا راك غِ متيحا بقيمة راسك وبلي رانا زوينا ولكن كُون كلامهم صحيح كُراه حتى انا بولادي دابا بحالهم….فزنقا كل لبنات كيسمعو كليمات زونين من عند دراري الا انا مكيعبرني حتى واحد بحالى تقول دري ل داز من حداهم . واخا هذا ماشي موشكيل المشكيل الكبير هوا كُلشِ صحابتي تزاوجو انا ماشِ حاسداهم غِ بغا نكون حتى انا بحاهم بغا غِ ولد آلناس لنكمل حياتي معاه ونولد معاه وليداتي … من كنفكر فالمستقبل و كيبان ليا راس غاد نبقى وحدي بَيْرا لا زواج لا وليدات عارفا بِلي هادشي لكنقول فيه غلط وبِلِ كلش بيد الله ولكن هاكا وليت كنفكر…المهم بغيت نعرف واش الزين ضروري والا مكنتش البنت زوينا مَ منْ حقهاش تزوج حتى هيا ؟؟؟؟؟؟ وسمحو ليا الا طولت عليكم

انتظر تعليقاتكم اسفل الصفحة

مولفاه بزاف شنو ندير واش نصبر عليه ولا ننساه

أنا ف عمري 25 عام تعرفت على شاب كان خدام معايا لموهيم فلول كنا أصدقاء طورات العالقة ولينا مكنتفرقوش لا ف خدما لا علا برا دازت شهرين تقبل ف خدمَ اُخرى وانا تلب مني نخرج من لخدما و نجلس ف دار حتى يجمع راسو اُنتزوجو مشا بدا
لقرايَ هوا يتبدل وليت كنشُفُ مرا ف 10 ايام ولا 15يوم معا العِلم انهو قريب ليا ديما كايتحجج بالقرايا و الإمتحانات زدها بلكدوب و كايخبِ علِيا شحآآآال من حاجة ٱبسطها فيسبوك كيدخل ليه من وريا ُ مني كنهدر كنولي انا لي ممزياناش اُ كيبقا وقلِ نتِ مرِضَ فعقلك و بغتي تمرضيني معاك وليت مكنعرفوش كنحس براس انا لي تابعاه مع لعِلم اناهُ هوَ لي كان باغيني و بقا عليا حتى ستسلمت أُ وافقت كنقليه صافي كولا واحد ف طريق مكيبغيش داب داز عام و باقيين ف نفس سيناريو، عيييييييت…. كنبغيه أُ مولفاه بزاف شنو ندير واش نصبر عليه ولا ننساه

انا المشكلة ديالي ماشي بحال المشاكيل لي هنا و بغيتكم تقولو ليا الراي ديالكم الله يجازيكم

انا المشكلة ديالي ماشي بحال المشاكيل لي هنا و بغيتكم تقولو ليا الراي ديالكم الله يجازيكم بخير

السلام عليكم
انا المشكلة ديالي ماشي بحال المشاكيل لي هنا و بغيتكم تقولو ليا الراي ديالكم الله يجازيكم بخير
هاد لقصة ديالي وقعات ليا فالعيد الصغير و حتى واحد من العائلة ماعارف __ عندي ولد عمي كبير عليا بعام كيقرا و كل واحد ساكن فمدينة و بعاد على بعضياتنا بزاف لمهيم انا وياه ما مداخلينش مع بعضياتنا و عزيز عليا بزاف و دايما كان كيسول عليا و معمرو ما سولني واش مصاحبة و لا نبغي شي واحد _ حتى واحد نهار قاليا خاص ندوي معاك _ و قال ليا بلي كيبغيني بزاف و من هادي شحال و انا كنت حاسة بلي كيبغيني _ و قال ليا بلي باغيني نولي مراتو غي يسالي قرايتو وبلي لقا فيا المواصفات كاملين لي باغي _ خلا ليا الوقت باش نفكر و بغا يتعرف عليا كتار و انا قتليه نبقاو اصدقاء و على الزواج داكشي مكاتيب وانا حتا انا باغا نتعرف عليه كتار _ من بعد حسيت بيه تقلاب عليا مبقاش يهضر معايا كيما الاول و حتى عيد ميلاد سعيد مقالهاش ليا و انا لي وليت نسول عليه مرا مرا _ و لاكين نستاهل لاحقاش ماعطيتش قيمة لهضرة ديالو و فالحقيقة مغا نلقاش بحالو و لاكين انا ضد ناخد شي واحد من عائلتي _ دابا انا باغا نصلح الغلاط ديالي و و انا حاسة بلي مغا نبقاوش كما كنا الا بقينا على هاد الحالة و مين نتلاقاو حتى واحد ميقدر يشوف فلاخور _ و بغيت نهضر معاه وخا داز الوقت و نقوليه بلي حتا انا باغا نتعرف عليه و لا أي حاجة لمهيم نهضرو ____ قولولي كيفاش نتصرف والى كنتو انتوما ف بلاصتي أش غتديرو ؟ سمحولي طولت عليكم و انا ف حاجه النصائح ديالكم فاقرب وقت و شكرا

البنات عاونوني عفاكم‎ كيفاش نتفك منو

سلام البنات عافاكم بغيت تعطيوني حل لمشكيلتي انا كانعرف ولد هادي 3 سنين من الاول هدرنا على اساس الزواج ولكن انا مزال كانقرا بغيت تنسالي قرايتي لمهم مع الوقت عرفت بلي كايكمي كايشرب بعد المرات والبنات بزاف علاقات عابرة المهم ملي كتشفت هادشي قررت نوقف العلاقة ولكن ماكيبغيش كايبقى يطلب فيا و كيدخلو الناس كايقولو ليا كيبغيك دابا يتبدل كيقولي اخرمرة كنسامحوا كدوز مدة كنحصل عليه حاجة اكتر كايقول ليا نتزوج نتبدل ….انا دابا تاكدت انه ماغيتبدلش و ماغنقدرش نتزوج راجل هكدا بغيت انا لي يتقي فيا الله ولكن هو مبغاش يتفارق معايا مخليت مادرت معاه وآآآآلو كيقول انا كنبغيك و نتي بنت داركم و مزيانة ماغنسمحش فيك عطيني فرصة و نتبدل و كيبقى يضغط عليا تاكنرجع تاني عافاكم قولو ليا كيفاش نسآآآآاه ومنبقاش نستسلم للضغط ديالو و كيفاش نتفك منو لانني متاكدة مصالحش ليا واخا كنبغيه راني 3 سنين على هاد الحال تامرضت فصحتي

اجعلي حياتك الزوجية افضل

هناك العديد من العبارات التي تساعد في اظهار مشاعر الحب بين الزوجين بصورة بسيطة وسهلة، لجعل الحياة الزوجية اكثر سعادة ومودة،

كالتعامل مثلا بعبارات تشعر بوجود الحب والتقدير والاحترام المتبادل بين الزوجين دوما، مما يجلب السعادة والاستقرار والرضا الذاتي لكلا الزوجين.
الا ان هناك العديد من الازواج قد يتناسوا ذكر مثل هذه العبارات الهامة، لكونهم يرونها اصبحت غير هامة بعد مرور فترة زمنية من الزواج، او لعدم وجود تفاهم بينهم، فهم يرونها في كثير من الاحيان عبارات كانت تخص مرحلة معينة قد مضت، كمرحلة الارتباط، او مرحلة الخطبة.
لذا نتيح لكم اليوم تعلم العبارات التي تجعل الحياة الزوجية روضة من رياض الجنة:

1-عبارات التقدير :
كلا الزوجين يحب دوما ان يوضع موضع التقدير من قبل الطرف الاخر، ولو بالقليل منعبارات التقدير عند قيامه بشيء يدخل السعادة على الحياة الزوجية، كقيامة بواجباته على الوجة الاكمل والمطلوب منه، فيسعده أن يقال له عن تصرفه العديد منعبارات الشكر والتقدير، كأن يقال: “احببت او سعدت او اشكرك “. فمثل هذة العبارات بالرغم من كونها بسيطة الا انها لديها الاثر القوي في شعور العديد من الازواج بالسعادة والتقدير.

2- عبارات دالة على المجاملة:
المجاملات من خلال العبارات الدالة على السعادة والشعور بتميز الحياة الزوجية تساعد دوما على تعزيز العلاقات بين الازواج، فهي تخلق مناخا من الحب والاهتمام، بما يعكس اسلوب التعامل بين الازواج، فبعض المجاملات في القول كالاشادة برأي شخصي، او المجاملات في الفعل كتأييد الزوج في اتخاذه موقف معين، او مجاملته في المظهر الخاص به، كالاشادة بجمال مظهره، هي امور قد تزيد من ثقة الشريك في ذاته دوما، وتجعله اكثر سعادة .

3- عبارات الحب والرغبة في البقاء سويا:
الحرص دوما على التطلع الى تقوية العلاقة والحفاظ عليها من خلال العديد من العبارات، كالعبارات التي تنم على الرغبة في تمضية العمر سويا، او التطلع الى وجود الاطفال او الاحفاد هو امر قد يبث الطمانينة في نفس العديد من الازواج على كون الشريك الاخر يرغب دوما في البقاء بجانبه .

راجلي شحال من مره هز إيده عليه وكيبقى يعاير...

راجلي شحال من مره هز إيده عليه وكيبقى يعاير...

السلام عليكم
أنا عندي 26 متزوجه و عندي بنت عمرها 6 شهرالمشكله للي عندي معا راجلي فالحقيقه انا وياه تزوجنا من بعد قصة حب دامت 11 عام و كنت كانتمنا غي إمتا تجمعنا دار وحدا ولكن المشكلة هي أن راجلي فيه النكير بزاف وحتى حاجه مكتعجبو كلشي كيعيبو واخه معرفت أشنو ندير ليه ديما كينكر على أتفه الأسباب و ديما كيبغي يردني مكنعرف ندير والو خاصه غير يلقى السبه باش يبدا ينكر المشكله هي أني كيفما درت وحله تناقشت معاه وحاولت نبين ليه أن هاد الشي راه مكيستاهلش مكيقتانعش او ميكت عليه وخلليته ينكرتيشبع مكيعجبوش الحال حرت مابقيتش عارفه أشنو ندير وحاجه أخرى حنا ساكنين مع مه و باه بصراحة معندي تا مشكل معاهم ولكن مكنلقاش راحتي ف الدار مكنحسش أني فداري ديما أنا لابسا مغطي شتا و للا صيف ومنقدرش ندير شي حاجه بلاما نتشاورهاد الساعه راه حنا كنقلبو على دار وبزز باش بغى يقلب معايا بدى كيكول ليه منخليش مي و با بحالا أنا كلت ليه لوحهوم بالعكس أنا ديما كنكوليه سبق واليديك على أي حاجه اخرى ولكن ماشي عيب إلى بغيت ندير داري بوحدي بغيت نكون حرة فكل حاجة كنديرها عاد زيد عائلته كايجيو بزاف وانا كيخصني نبقى فالكوزينه نهار كله وانا خدامه و راجلي كيعجبو الحال مللي كيشوفني كنشقى مكرهنيش مللي نجي من الخدمه والويكاند نبقى نشقى ونخمل مخاصنيش نكلس إيلا بغيت نرتاح كيبدى يكوليا شوفي مي تعلمي منها مباغيش يفهم أني مبغاش نكون بحال مه كلا وحده فينا وطباعها وهادي هية المشكله الأخرى الي فراجلي باغيني نكون كوبي كولي على مه هاديك راها ميمته واللاه يخليها ليه ولكن أنا مبغاش نكون بحال تا واحد والمشكله أنه من هاداك النوع الي مكيبغينيش نقارنو مع شي حد وهو خاصه ديما يقارن بيني وبين الناس وهاد الشي كيعصبني بزاف و انا خدامه الحمد لله خدمه زوينه و هازه معاه المصروف وفينما كناخد بريم كنخلص بيه شي حاجه كتسالنا المهم أني مكناخد لية والو وغالبا مكيبقى عندي تا ريال ديما كنعاونو وزيد وزيد كاين شله هدره ولكن راني طولت بزاف سمحو ليه ولكن راني غنتفرقع كاع هاداك الشي للي كنت باغه نعيشه مع راجلي مالقيتوش ناقص بزاف مفيهش المحنه و الرومانسيه وزايدها بالعصبية أنا دابا بغيت شي حل بعد المرات كنتمنى نتفارق معاه حيت كنحس أن زواجنا ما زاد لية والو بالعكس ولليت كنتعصب بزاف من بعد ما كنت مهدنه حياتي ما بقى ليها معنى حاجه أخرى راجلي شحال من مره هز إيده عليه وكيبقى يعاير وانا هاد الشي كنكرهو يكون ما بين المرأه والرجل بغيت الإ حترام يكون ….سمحو ليه بزاف ولكن بغيتكم تفيدوني

الله يجازيكم بخير ايلا ماعطيوني ريكم اخواتي

الله يجازيكم بخير ايلا ماعطيوني ريكم

السلام عليكم اخواتي،بغيت نستفسر باش مانضضلمش حد.انا مغتربة وحامل،قريب نولد ان شاء الله.هادي الولدة الاولى لي.ملي جيت تعرفت على واحد السيدة عندها اولادها وحتى هي حاملة غير انا حاملة ببنت وهي بولد.للعلم انا ورجلي عايشين عاديين ماشي مخصوصين.اليوم راجلي كان فالخدمة وهو يتاصل بيه راجلها قاليه دوز عندي نعطيك شي حاجة،ملي داز عندو لقا مرتو موجدا لي حوايج البنيات ديال بنتها اللي كبرات دياول التربية والمشكل انهم عاديين ماشي عطاتني شي حاجة غالية اللي نقولو بغات تنقص علي المصاريف،لا.حوايج باينين ملبوسين دياول التحت و اخرين دياول الدار و 2 فيهم باهتين اللون ديالهم وحتى فوطات صغار شبعو صابون اللي كنمسحو بيهم بقايا الاكل.و مصيفتا لي غطا ديال البيبي قالت ليه ديال صاحبتها وصيفتاتو لي هاد صاحبتها ،بعدا هداك فيه الضو،مزيان و لكن انا مكنعرفش هاد صاحبتها ولا عمرني شفتها.يعني غي عاودات ليها باللي راه انا غنولد.لو تحطيتو فهاد الوضعية كيف كنتو غتحسو.واش عادي اول ولدة اولا حتى اخرها، تجيب ليك صاحبتك اللي يالله كتعرفيها شي شهورا حوايج بنتها القدام و حوايج صاحبتها،فسرو لي عفاكم،راني اول مرة كيوقع لي هادشي علما باللي ماعمرني شكيت عليها،بالعكس كنقوليها باقي ماشريت الحوايج وصافي و عارفاني باغيا نتقدا من بعد.وتاني حاجة انا قلت لراجلي يرد ليها حوايجها على اساس بنتي ايلا كتبها لي الله بغيت نفرح بيها و نشري ليها الجديد ماشي حوايج ملقطين من عند عباد الله،قالي لا حشومة.وهي دابا راه كتسناني اليوم نعيط ليها و انا ما بغيت نعيط ليها باش نقوليها الله يعطيكوم الخير،وعارفاها غتقول علي ماصدقت،زعما راها عطاتني،وانا بغيت نوصل ليها الميساج بعدم الاتصال باش تفهم راسها،لاني ايلا تاصلت وشكرتها بحالا عجبني الحال.
الله يجازيكم بخير ايلا ماعطيوني ريكم الله يجازيكم بخير

انا محتاجة لنصيحتكم بزاف بلا مانطول عليكم

لسلام عليكم البنات

انا محتاجة لنصيحتكم بزاف بلا مانطول عليكم غندخل في صلب الموضوع

انا عندي 24 سنة على علاقة مع واحد السيد تعرفت عليه في 2008 المهم انا متعلقة بيه بزاف كنبغيه لدرجة انني ماعرفاش الحياة بلا بيه كفاش دايرة

حتى هو كيقول بلي كيبغيني بزاف اللي قلتهاله كيديرها بدون تفكير

و المشكل هو مزوج و ماكيفكرش في الزواج بي و في نفس الوقت ماباغيش يتفرق معايا انا صابرة لهادشي كله ومابغيت منه والو غير يبقى حدايا و ضحيت بكلشي على قبله حتى دارنا خليتهم وليت ساكنة بوحدي وخاطرو عندي هي الاولة ولكن هو كيجيوه شي اوقات كيتبدل علي بزاف و كيولي يعاملني خايب و ماكايعطينيش الوقت كيولي غير كيغوت علي وطالع له الدم على والو وكتضلام في عيني ما كنبقى ناكل ولا نشرب بحال هاد الايام انا ماعارفاش شنو ندير عافاكم قولو لي كيفاش نتصرف معاه راه هو الي عندي فالدنيا ماعندي لا صحابات لا والو الي ينصحوني دايراه هو صاحبي و خويا وكلشي هو لمن كنعاود ومابغيتش نخسره

سمحولي طولت عليكم ولكن راه قلبي عامر بزاف

ديروني فبالكم و ماتنساونيش من نصائحكم

السلام عليكم عندي مشكل كبير عافاكم لما عونوني

السلام عليكم عندي مشكل كبير عافاكم لما عونوني
أنا مزوجة هادي عام او نص كانت كتربطني براجلي علاقة دامة 6 سنوات قبل الزواح كنبغيو بعضنا كتر من المعقول وخا ملي بغينا نتزوجو كلس من الخدمة انا وقفة معاه او ماتخليتش عليه حيت هو العقل او اوكسيجين لي كنتنفس المشكل ديالي كيضربنيي بزاف او كيعايرني بوحدنا او حتى حدا خوتو كيبق في الحال او كنبق نبكي كيجي ويداخل عليا كنبغي نمشي لدارنا اونتطلق كيقول ليا تفوتي الباب ندبحك اونقتل راسي انا كنموت عليه اوحياتي بلا راجلي اوحبيبي ماليها معنى والله اشنو ندير عافاكم ما طالبة والو بغيتو غير ما يبقاش اضربي انا مابغاش نطلق بغيت نبقاو مع بعضنا حتى نموت او انا صبرة لاخر نفس فية نصحوني الله اجازيكم كل خير او سمحولية بزاف

بغيت حل معا هاد السيد‎

انا بنت عندي 22 سنة ، كنت كنعرف وا حد سيد 

انا بنت عندي 22 سنة ، كنت كنعرف وا حد سيد تقريبان من العائلة لمهم ربطة معاه العلاقة مشي بزاف شي 6 شهر كنا مزيان فالاول واحد الفترة تبدل فيها حينت كنت كلت ليه نتا دبا خدام او بطوموبيل او مخاصك حتى خير الحمدالله او كتعرفني مزيان حيت 11 عام اوحنا كنتاصلوا معا العائلة ديالهم لمهم ملي كلتها ليه سيد تبدل مبغاش هاد الهضرة كاليا انا مكنفكرش فهادشي دبا باقي مقادش على لمسؤولية دابا هو عندو 28 سنة من تما اوحنا مخاصمين هادي 5 شهر لبارح هدر معايا اوكاليا مقدرتش نساك او باقي كنبغيك بغيتك ترجعي ليا سراحة حتى انا باقة كنبغيه معرفت مندير معاه , عونينو شوفو ليا لحل عافاكم اش ندير معاه

انا مشكيلتي فمشيتي ديما حانيا راسي وزربانة

السالا م عليكم ورحمة اللله تعالى وبركاته
انا مشكيلتي فمشيتي ديما حانيا راسي وزربانة اوهدشي من صغري ودبا هدا ولا طبع فيا صعيب نبدلو حتا الا حاولت نڭلس نيشان ولا نوقف نيشان ونتمشا رافعة راسي وكتافي مكنحسش راسي مرتاحا وكنتعدب نجيب شويا نسها ونلقا راسي فنفس لحالة و لاومنين كنرفع راسي كنحس راسي مكبرة ولا حيت مموالفاش ودابا حتا صحاب دار كيغوتو عليا مرة مرة وحتى لخطيب ديالي لاحظ هاد لمشكيل عندي انا كنسكن فمدينة صغيرة وانا حشومية بزاف مين كنكون نتمشا فزنقا ولا لمشيا ديالي كتلفلي كاع معرفت مندير ساعدوني عافكم كنت باغيا نمشي لطبيب نفساني ولا ولاكين منقدرش نتابع عاندو ديمة حيت مكنش فمدينتي تعقدت

خرجت على راسي غي بالاحلام شنو ندير باش تنصحوني

خرجت على راسي غي بالاحلام شنو ندير باش تنصحوني

السلام عليكم انا جيت ليوم نحكي ليكم قصتي بغيتكم تنصحوني حيت صراحة قربت نحماق المهم انا بنت عندي عشرين سنة مشكلتي انني بغيت نتزوج اه قلتها من بعد ما كل واحد من العائلة ولا صحاباتي تايقولو ليا واش كتفكري فزواج تنقوليهم لا تنخبي وصراحة ماكايناااااش شي بنت ماكاتحلمش بداك النهار ممكن تضحكو عليا ولكن و الله حتى مرضت اه انا باقا صغيرة و يمكمن بزاف و يمكن كيفما تايقولو الناس الزواج فيه المشاكيل وكيفم تيقولو عندداك يصحابليك الا تزوجتي غاطفريه انا حتى شي حد معارفني تنفكر فيه وانا عايشة غي فالاحلام ديالي ملي تنفيق فالصباح وانا كنحلم و كنتخيل راسي فداري مع ولادي مع راجلي تنكون تنطيب تنشوف راسي فداري مشي فدارنا وانا كنتفرج كنشوف راسي كنتفرج و حدا راجلي حتى ملي تنكونو تنصليو مع الواليد ديالي ملي كنساليو كنشوف راجلي تهو و اقف تيصلي حدا بابا اي حاجة و المشكلة اناني ملي كانت عندي اتنا عشر سنة وانا كنحلم هاكدا وخديت الباك ديالي ودخلت لكلية العلوم خديت الباك على ستة عشر سنة وان ادابا خاصني نكون فالعام التالت ديالي فالكلية ولكن مقريتش ملي تندخل وانا مرفوعة عايشة فاحلامي وملي تنكون فدجار تنوجد لامتحانات هاكداك عاوتاني تنحلم خرجتت على راسي ودارنا تيقولو لي غي خودي الاجاوة ندخلوك تخدمي والخدمة ةضمونة والف واد تايتمناها ولكن انا بالي ديما غي مع الزواج مرضة و بيني و بينكم مبغيتش نهضر ف الفايسبوك مع الرجال و لا نتعرف على هدا و على هدا مبغيتش هادشي بغيت نتزوج و بطريقة حلال فينما كاينة شي صلاة ولا شي دعاء ولا شي حاجة لاستجابة الدعاء كنديرها وانا مابقاش عندي صبر عيت واخا د لله ماخاصني حتى خير فدارنا ومرتاحة حمد لله ولكن انا هكدا معرفتش علاش مع العلم انني تيجيوني الخطاب ولكن انا متنعرفها حتى كيكونو الدار رفضوه معرفتش شنو ندير باش تنصحوني

صورة لــ كريستيانو وأخواته2013

صورة لــ كريستيانو وأخواته

العثور على “كنز” بمنزل بمراكش

العثور على “كنز” بمنزل آيل للسقوط يستنفر الأمن والسلطة بمراكش

عثر عمال تابعين للإنعاش الوطني ليلة أمس، بمنزل آيل للسقوط بحي باب دكالة بالمدينة العتيقة لمراكش، على صندوق مدفون تحت الأرض، خلال عملية هدم الأجزاء المهددة بالسقوط بالمنزل المذكور
وحسب مصادرنا، فقد اضطر عمال الإنعاش إلى ترك الصندوق في مكانه إلى حين حضور السلطات المحلية وعناصر من الشرطة العلمية والقضائية، الذين حملوا الصندوق إلى مكان غير معلوم.ولم يتسن لـ”مينارة” حتى الأن معرفة ما إذا كان الصندوق يحتوي فعلا على كنز، بالنظر إلى التكتم والسرية الكبيرة المحيطة بالموضوع من قبل مصالح الأمن والسلطات المحلية بالمدينة.