MAROCO KENITRA

MAROCO KENITRA AIN SBA3

حكم كثيرة وجميلة

حكم كثيرة وجميلة
 
* اللي قالك لا تقولو و اللي سولك لا تعطيه خبار.
* معرفة الرجال كنوز.
* اطلع تاكل الباكور انزل شكون قالهالك.
* ما مور الشدة الا الفرج.
* اللي فاتك خليه لبناتك.
* الله ينجيك من المشتاق يلا فاق.
* دوز على الهرهوري و لا دوز على الساكوتي.
* السلطان بالتاج و كيحتاج.
* خدم يا التاعس لناعس.
* نوضوها تشطح دارتها بصح.
* اتاي لعشية خير من بقرة مشوية.
* حسابتني كرمة وفيها الكرموص سعا هي خربة و فيها الناموس.
* الي ما عندو هم كتولدو لو حمارتو.
* يد في الطبق و عين على من زهق.
* تعلمو يا الحجاما فروس ليتاما.
* بحال الي تيسعى بولدو على كتفو هو تيقول انت على الله و ولده تيقول الله يجيب.
* دابزو يا الفيران على خميرة الجيران.
* الزواج و الموت هم لا يفوت.
* المراة الحرة ما تاكل غير من يد زوجها.
* الراجل بدراعو ماشي بمتاعو.
* اللي حبك حبو و لقلبك زوجو و اللي جفاك جفيه و تعداه و دوزو.
* تهجالت لعناية و لا زواج الدل.
* يا الطامع في الزيادة رد بالك من النقصان.
* ابنادم دربو على حلقو ينسى اللي خلقو.
* التربية في الصغر كالنقش على الحجر.
* العصى ما كتخلي من يعصى.
* ولد ولدك زوين ما تعدمشي اللي يبوسو.
* لهلا يورينا فولادنا ميخلعنا.
* ادعاوي بارشاوي.
* عيطت على ديالي جاني عيطت على ديال الناس مشى و خلاني.
* اللي كثرو همومو كثرو اعجوبو.
* يلا بغيتي اتوحش صاحبك سلفو.
* اللي درقك ابخيط درقو بحيط.
* تيدور الزرع حتى كيدور وكيرجع لعين الرحى.
* يلا امشا الزين كيبقاو حروفه .
* الخير كيجلس والهم كيكمش.
* كيدق ويقول شكون.
* كيبيعو الارض ويضحكو على من شراها.
* الغربة كتلوح حتى لبلاد الشلوح.
* اللي دارها بيديه يفكها بسنيه.
* ما بين اللقمة و الفم تيريد ويحكم.
* الضحك كيفسخ البيع.
* اللي حبك ما بنالك قصر واللي كرهك ما حفرلك قبر.
* اللي تيكون اناني تيبقى وحداني.
* اللي اربحتيه تاكله و الدين باش تخلصو ؟
* اللي ما جابتو المحبة ما تجيبو الحزارة.
* اللحية مكترفد اللحية غير لقبر.
* اليد اللي طعمتنا الحلال تيكونو ناسها قلال.
* خليني نبلع ريقي حتى نعرف عدوي من صديقي.
* اللي ربط حمارو مع الحمير كيتعلم له الشهيق و النهيق و الخروج على الطريق.
* اللسان طويل و الدرع قصير.
* الجمل ما كيشوفش حدبتو كيشوف غير حدبت خوه.
* ما ينفع غير الصحيح اما الراشي كايديه الريح.
* اللهم اعمش ولا اعمى.
* اللي شاف شي يقول الله يستر.
* ازرب تعطل.
* يعيى من يعطي وما يعيى من يشد.
* اللي حبابو عريانين عمرو ما يتكسى.
* ملي كطيح البقرة تيقواو السكاكن.
* اللي احشم فما ضرو الشيطان غرو.
* لو كان الخوخ يداوي لو كان داوى راسو.
* الله يجيب اللي يفهمنا ولا يعطنشاي.
* هاك ابوه رجليه جابوه.
* الله يعطينا شي نقرة فين يغبر نحاسنا.
* حتى قط مكيهرب من دار العرس.
* اشعند الميت ما يدير قدام غسالو.
* شحال ما طال الليل كيصبح النهار.
* نقا على نقا ما تيورد شقا.
* الزيادة من راس لحمق.
* كول بشهوتك و لبس بشهوت الناس.
* قالو اشمتك قالو اعرفتك.
* اللي ما لقى الخير فركانو يكون الخير فلسانو.
* شطارت الكوزينة كتشري مدينة .
* حاسبني حساب عدوك و جلسني بلاصت خوك.
* اللي ماجي لعندك لا تمشي عنده.
* اللي اتخدمو طيعو و اللي اترهنو بيعو.
* كن اسبع و كولني.
* يلا شفتيها بسعدها عرفها مكملا من عندها.
* ما تشري حتى تقلب و ما تصاحب حتى تجرب.
* امدح صاحبك قدام الناس و لوح صحبك الراس فالراس.
* حج و حاجة و قضيان حاجة.
* يلا فاتك الكلام قول اسمعت ويلا فاتك الطعام قول اشبعت.
* كل غيبة كتزيد هيبة.
* عز الخيل مرابطها.
* اللي تيركب لحصان كل الناس اتوسعلو لمكان.
* العز والنصر والسكنة فلقصر.
* الموت بالردم ولا معاشرت لخدم.
* سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.
* ديرها فالرجال وترجاها و ديرها فالنسا و لا تنساها.
* مراة المنحوس ما هية مطلقة ما هية عروس.
* حالتي حالت النافخ العافية على قلبو و الطيقان فجنبو.
* ملي تنحتاجك يا وجهي كيخبشوك لقطوط.
* الجوع و النوع و البكا بلا دموع.
* منحوس منحوس و لو على راسو فانوس
* عمرو ما احبى وملي احبى طاح فلبير.
* رضينا بالهم والهم ما رضا بينا درناه عند راسنا صبح عند رجلينا.
* الحنة حرشة و الحناية عمشة و العروسة فيها بو تفتاف.
* حسدو العمى على عكازو.
* عاند ولا تحسد.
* السفيه ما كينطق غي بلي فيه.
* ودن صمة و الاخرى فيها الماء.
* اللي ما شاف من عين الغربال اعمى.
* غرزة زايدة فيا و هم لعرى فايت فيا.
* ادفع ما في الجيب يجيب الله ما في الغيب.

ليست هناك تعليقات:

إرسال تعليق